Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Ҳунардан барака топаётган ёш тадбиркор
2023-04-13 16:24:08 414
Мамлакатимизда тадбиркорлик фаолиятини бошлаш, янги иш ўринларини яратишни мақсад қилган фуқароларга ҳам кенг имкониятлар, шарт-шароитлар яратилмоқда. Бу эса тадбиркорлар сонини йил сайин ортиб бораётганлигида яққол намоён бўлмоқда.
Фарғона шаҳридаги "Чекшўра" МФЙда ҳам тадбиркорлар сони 70 нафардан ошди. Маҳалла раиси Ғайратжон Ғофуровнинг таъкидлашича, ҳудудда деҳқончилик асосий драйверга айланмоқда. Иссиқхона қуриб, мумай даромад топаётган оилалар сафи ҳам кенгайиб бормоқда. Шунингдек, турли йўналишларда ҳам тадбиркорлик субъектлари очилмоқда.
Рўзиматжон Эргашев ёш тадбиркорлардан. Ёшлигида бобоси, тажрибали механик Мадлей отадан сабоқ олди. 40 йил мобайнида тракторчи бўлган дадаси Абдужаббор Эргашев ҳам фарзандининг қизиқишларига беэътибор бўлмади.
Ёш темирчи ҳозирда кичик корхонасига эга. Икки нафар шогирдларига ҳар ойда 3 млн. сўмдан маош бермоқда. Ўзининг эса ойлик ўртача даромади 15 миллион сўмга етмоқда.
