1. Бош сахифа
2. Янгиликлар

“Давлат хавфсизлик хизмати кубоги” мусобақасининг Фарғона шаҳар босқичига старт берилди

×

Бугун спортнинг футбол, ва мини-футбол турлари бўйича “Давлат хафсизлик хизмати кубоги” мусобақасига старт берилди. Ушбу мусобақаларда шаҳримиздаги 73 та маҳаллалардан 16-30 ёш бўлган уюшмаган ёшлар ва жамоалар қатнашади.

“Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги ПҚ-92-сонли қарори ижросини таъминлаш, ёшларнинг бўш вақтларини мазмунли ташкил этиш, улар ўртасида оммавий спортни ривожлантириш ҳамда соғлом турмуш тарзини кенг тарғиб қилиш мақсадида ташкилланган мусабақанинг ҳудудий босқичи апрель ва май ойларида ўтказилади.

Мусобақанинг очилиш маросими Фарғона футбол мактабида ўтказилди. Унда шаҳар ҳокими Восилжон Назаров, сектор раҳбарлари ҳамда Давлат хавфсизлиги хизмати вилоят бошқармаси ва шаҳар бўлими вакиллари иштирок этишди. Тантанали очилиш тадбирида ёш спортчиларга ҳамда жамоаларга омадлар тиланди. Шундан сўнг, қуръа ташланиб 1-тур ўйинлари ўтказилди.

Мусобақа ғолиблари ҳамда “Энг яхши ўйинчи”, “Энг яхши тўпурар”, “Энг яхши дарвозабон” ва “Энг яхши мураббий” номинациялари совриндорларига диплом ва қимматбаҳо совғалар топширилиши белгиланган.

Таъкидлаш лозимки, Давлат хавфсизлик хизмати кубогининг ўтказилишидан кўзланган асосий мақсад ёшлар орасида спортни оммалаштириш ва соғлом турмуш тарзини тарғиб қилиш, шунингдек, уларни ватанга садоқат руҳида тарбиялашдан иборатдир.