1. Бош сахифа
2. Янгиликлар

Санъат саройи ёнидаги Қашқар кўчасида бир қаватли уйлар ўрнига 4 ва 5 қаватли замонавий турар-жой мажмуаси қуриш лойиҳасига киришилди

×

Вилоят ҳокими Хайрулло Бозоров вилоят секторлари раҳбарлари билан Фарғона шаҳар Фарғона МФЙ Қашқар кўчасида жойлашган 1 қаватли уйлар ўрнида 4 ва 5 қаватли замонавий турар-жой мажмуаси қуриш лойиҳаси билан танишди. 

Қашқар кўчасидаги 53 та эски уйлар ўрнида барпо этиладиган кўп қаватли замонавий турар-жойларнинг биринчи қавати савдо ва маиший хизмат шахобчаларидан иборат бўлиши лозимлиги таъкидланди. Ушбу хизмат кўрсатиш объектлари, Санъат саройига келган фарғоналиклар ҳамда меҳмонлар учун қўшимча қулайликлар тақдим этиши қайд этилди.

Ташаббускор тадбиркорлар ҳамда мутасаддилар билан мулоқот қилган вилоят ҳокими, лойиҳани амалга оширишда эски хонадонлар эгаларининг розилигини олиш энг муҳим талаб эканлигини таъкидлаб, розилик берган мулкдорларга уй-жойларнинг қиймати қонунда назарда тутилган тартибда олдиндан ҳамда тенг қийматда қопланишини таъминлаш шартлигига эътибор қаратди.