1. Бош сахифа
2. Янгиликлар

Умра сафари: Меҳр-оқибат ва саховат ойида қалбларга шодлик улашилмоқда

×

Давлатимиз раҳбарининг Бухоро вилоятига ташрифи чоғида эҳтиёжманд, боқувчисини йўқотган, ногиронлиги бўлган шахсларни давлат томонидан Умра зиёратига жўнатиш ташаббуси илгари сурилган эди. Фарғона шаҳридан ҳам бир гуруҳ юртдошларимиз Умра зиёратига юборилди.

Ҳамшаҳарларимиз куни кеча Умра зиёратини ўтаб қайтдилар. Фарғона шаҳар ҳокими ўринбосари Дилшодахон Холматова ва ҳокимлик вакиллари зиёратчиларни йўқладилар.

-Эзгу ниятларимиз, орзуларимизнинг амалга ошишида Давлатимиз раҳбари бизларни қўллаб-қувватламоқдалар, - дейди "Ойбек" маҳалласида яшовчи Муҳаббатхон Азизова.- Кўнглида Хаж сафарига бориш нияти бўлган, аммо маблағи йўқ бўлган фуқаролар, айниқса Ўзбекистон аёллари бу эътибордан ва кўрсатилган ғамхўрликдан беҳад мамнун бўлдик. 

Мазкур ташаббус давомида Фарғона шаҳридан жами 8 нафар фуқаролар Умра сафарига борган бўлсалар, уларнинг 6 нафари "Аёллар дафтари"да турган хотин-қизлардир.