1. Бош сахифа
2. Янгиликлар

Фарғона шаҳрида хорижлик мутахассислар иштирокида таълим марафони ўтказилмоқда

×

40-ИДУМда 3-5 апрель кунлари Россия Федерациясининг Ломоносов номидаги Шимолий (Арктика) Федерал университети томонидан «САФУда келажак касблари ва рақамли технологиялар» мавзусидаги ҳамкорлик таълим марафони ўтказилади.

Тадбир доирасидаги мастер-классларга қатнашиш орқали иштирокчилар рақамли технологиялар ва келажакда янада ривожланиши кутилаётган касблар ҳақида батафсил танишадилар. Шунингдек, нейротехнологиялар, мобиль дастурлар, Lending page, робототехника, веб дастурлар, тақдимотларни эффектив созлаш сирлари каби бир қанча амалий билимларни ўзлаштиришлари мумкин.

Шунингдек, «САФУ» университети ходимлари томонидан ўтказиладиган олимпиядаларда қатнашиб, у ерда таълим олиш имтиёзига ҳам эга бўлишади. 

Унда вилоятимизнинг ўқувчилари ҳамда ўқитувчилари иштирок этишлари мумкин. Мастер-классларни ташкил этиш учун Россиядан малакали мутахассислар ва «САФУ» ходимлари ташриф буюришган.

Фарғона шаҳар ҳокимлиги Ахборот хизмати