1. Бош сахифа
2. Янгиликлар

"Марғилон сой" тантаналар мажмуасида ҳам ифторлик дастурхонлари ёзилди

×

Айни кунларда юртимизнинг барча маҳаллаларида ифторлик тадбирлари ўтказилмоқда. Меҳр-саховат ойи муносабати билан ўтказилаётган ифторлик тадбирлари ҳамда йўқловлар давомида фуқароларга меҳр ва саховат улашилмоқда.

Бугун Фарғона шаҳридаги "Марғилон сой" тантаналар мажмуасида "Наврўз","Ёшлар" ва "Ал-Фарғоний" маҳалла фуқаролар йиғинларида яшовчи бир гуруҳ ёши улуғ инсонлар, фаоллар ҳамда ижтимоий ҳимояга муҳтож оилалар аъзолари меҳмон бўлишди. 400 нафарга яқин фуқаролар учун ифторлик дастурхони ёзилиб, маданий тадбир ҳам ўтказилди.

Инсон қадрини улуғлаш, муҳтожларга кўмак кўрсатиш мақсадида ёзилган тўкин дастурхон атрофида жам бўлган нуронийлар юртимизга тинчлик, оилаларимизга тотувлик, рўзғоримизга қут-барака тилаб, дуо қилишди. 

 
Ифторлик тадбирлари ҳар бир маҳаллаларда давом этмоқда.