1. Бош сахифа
2. Янгиликлар

ИФТОРЛИК ДАСТУРХОНИ ЁЗИЛДИ

×

Фарғона шаҳридаги “Янги ҳаёт” базмгоҳида ифторлик тадбири ўтказилди. Унда шаҳримиздаги диний уламолар, секторлар раҳбарлари, кенг жамоатчилик вакиллари, фаоллар ҳамда ижтимоий ҳимояга муҳтож хонадонлар вакиллари учун дастурхон ёзилди. Иштирокчилар Давлатимиз раҳбари томонидан мустақиллигимизни мустаҳкамлаш йўлида амалга оширилган эзгу ишлар, юртимизда муқаддас динимиз софлигини сақлаш борасида олиб борилаётган амаллар ҳақида фикр алмашишди.

Тадбирда вилоятимизда ўтказилаётган "Маънавият фестивали"нинг тарғибот гуруҳи аъзолари Ўзбекистон халқ артисти Мансур Тошматов, Ёзувчилар уюшмаси аъзоси Шахлохон Ахророва, тарих фанлари доктори Раънохон Ўрозовалар ҳам иштирок этишиб, йиғилганларни рамазон ойи билан қутлашди. Маданий дастур йиғилганларга хушкайфият улашдилар.

Шунингдек ушбу тадбирда Қуръон оятлари ўқилиб, турмушимиз фаровон, юртимиз тинч, осмонимиз мусаффо бўлишини, хонадонларимизда ҳамиша тинчлик ҳукм суришини тилаб дуолар қилинди.

Фарғона шаҳар ҳокимлиги Ахборот хизмати