1. Бош сахифа
2. Янгиликлар

Муборак ойда кўнгиллар шод бўлмоқда

×

Айни кунларда юртимиз бўйлаб Рамазон шукуҳини ҳис қилмоқдамиз. Буни жойларда меҳр-саховат ойи муносабати билан ўтказилаётган ифторлик тадбирлари ҳамда йўқловларнинг амалга оширилаётганидан ҳам билиш мумкин. 

Бугун Фарғона шаҳридаги "Афросиёб" тантаналар мажмуасида бир гуруҳ ёши улуғ инсонлар, маҳалла фаоллари ҳамда ижтимоий ҳимояга муҳтож оилалар аъзолари меҳмон бўлишди. 500 нафарга яқин фуқаролар учун ифторлик дастурхони ёзилиб, маданий тадбир ҳам ўтказилди.

Инсон қадрини улуғлаш, муҳтожларга кўмак кўрсатиш мақсадида ёзилган тўкин дастурхон атрофида жам бўлган нуронийлар юртимизга тинчлик, оилаларимизга тотувлик, рўзғоримизга қут-барака тилаб, дуо қилишди.  

Мазкур тадбирда вилоят ва шаҳар ҳокимликлари вакиллари, сектор раҳбарлари, диний уламолар ҳамда шу кунларда вилоятимизда ўтказилаётган "Маънавият фестивали" тадбирининг тарғибот гуруҳи аъзолари ҳам иштирок этишди. 

Ифторлик тадбирлари ҳар бир маҳаллаларда давом этмоқда.

Фарғона шаҳар ҳокимлиги Ахборот хизмати