1. Бош сахифа
2. Янгиликлар

Шаҳримизда «Фавқулодда вазиятлардан муҳофаза қилиш ва фуқаро муҳофазаси ойлиги» ўтказилмоқда

×

Жорий йилнинг 1 март кунидан 1 апрель кунига қадар вилоятимизда хусусан шаҳримизда Фавқулодда вазиятлардан муҳофаза қилиш ва фуқаро муҳофазаси ойлиги ўтказилмоқда.

Шу муносабат билан Фарғона шаҳар Фавқулодда вазиятлар бўлими ходимлари томонидан шаҳримиз ҳудудидаги корхон,ташкилот ва муассасаларда, умумтаълим мактаблари ҳамда мактабгача таълим ташкилотларда ойлик доирасида кенг қамровли профилактик тадбир ўтказилиб келинмоқда.

Тадбирлар давомида табиий ва техноген хусусиятли фавқулодда вазиятлар содир бўлганда тўғри ҳаракатланиш, аҳолининг сифатсиз озиқ-овқат маҳсулотларидан заҳарланиши ҳолатларини олдини олиш, ис гази ҳамда газ ва ҳаво аралашмасининг чақнашларини олдини олиш, сел-сув тошқинлар билан боғлиқ бахтсиз ҳодисаларни олдини олишлар юзасидан амалий ва назарий оқув семинар машғулотлари ўтказилмоқда.

Шунингдек, Фарғона Марказий деҳқон бозори ҳудудида тегишли ташкилот ҳодимлари билан ҳамкорликда аҳолининг сифатсиз озиқ-овқат маҳсулотларидан заҳарланишини (ботулизм) олдини олишга қаратилган профилактик тадбирлар ўтказилиб, аниқланган камчиликлар жойида бартараф қилиниб, сифат сертификати бўлмаган маҳсулотлар савдодан чиқарилмоқда.

О.Ходжаев,Фарғона шаҳар ҳуқуқни муҳофаза қилиш органлари фаолияти, ҳарбий сафарбарлик ва фавқулодда вазиятлар масалалар гуруҳи раҳбари.

А.Аппонов,Фаргона шаҳар ФВБ ходими, капитан.