1. Бош сахифа
2. Янгиликлар

Маҳаллада сумалак сайли

×

Айни кунларда Наврўз умумхалқ байрами муносабати билан Фарғона шаҳридаги барча маҳалла фуқаролар йиғинларида ободонлаштириш ишлари олиб борилмоқда. Шунингдек, байрам муносабати билан сайиллар, маданий тадбирлар ўтказилмоқда.

"Мададкор" маҳалласи аҳолиси юртимизга кириб келган фасллар келинчаги баҳорни Наврўз оламнинг шоҳона таоми – сумалак билан қарши олдилар. Катта қозонда сумалак тайёрланди, тансиқ ва баҳорий таомлар аввало кексалар, беморлар, кам таъминланган оилаларга тарқатилди. 

Маҳалла аҳли сумалакни татиб кўриб, баҳорга етганига шукр қилиб, йилнинг яхши, хайрли, баракали келишини, юртимизда ҳукм сураётган тинчлик ва хотиржамлик бардавом бўлишини тилаб дуолар қилдилар. 

Сумалак сайли куй-қўшиқларга уланди.

Фарғона шаҳар ҳокимлиги Ахборот хизмати