1. Бош сахифа
2. Янгиликлар

"Кимёгар" маҳалласида 3 миллиард сўмлик қурилиш ишлари бажарилмоқда

×

Фарғона шаҳридаги "Кимёгар" маҳалласида 4000 нафардан ортиқ фуқаролар истиқомат қилади. 1300 дан ортиқ оилалар мавжуд бўлган маҳалланинг аҳолиси 25 та кўп қаватли уйларда яшайдилар. Юртимизда кўп қаватли уйларда яшаётган аҳолига қулайлик яратиш мақсадида ҳам кенг қамровли ишлар олиб борилмоқда.

Ўзбекистон Республикаси Президентининг 2022 йил 25 октябрдаги “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги ПҚ-408-қарорига асосан "Кимёгар" маҳалла фуқаролар йиғини ҳудудида аҳоли учун кенг имкониятлар яратилмоқда. Жумладан:  

12 та кичик болалар ўйин майдончалари

200 та кўча ўриндиқлари

50 та очиқ айвонлар

12 та (10х4х4 метр ўлчамдаги) маросимлар ўтказиш айвони қурилмоқда.

"Мирзо Соадат" хусусий корхонаси томонидан амалга оширилаётган ишлар учун республика бюджетидан 3 млрд. сўм маблағ ажратилган. 

Фарғона шаҳар ҳокимлиги Ахборот хизмати