1. Бош сахифа
2. Янгиликлар

29 та кўп қаватли уйлар мукаммал ва жорий таъмирланмоқда

×

Уй-жой коммунал хизмат кўрсатиш соҳаси аҳоли кайфиятига тўғридан-тўғри таъсир қиладиган ўта масъулиятли соҳалардан бири ҳисобланади. Шуни эътиборга олган ҳолда, Фарғона вилоятида кўп қаватли уйларда истиқомат қилувчи аҳоли фаровонлигини таъминлаш, фуқароларга сифатли коммунал хизмат кўрсатиш йўлида изчил саъй-ҳаракатлар амалга оширилмоқда.

Ҳусусан, Ўзбекистон Республикаси Президентининг ПҚ-408-сонли қарорига асосан, Фарғона шаҳар Истиқбол маҳалласи ҳудудида жойлашган 29 та кўп қаватли  уйнинг фасад ва том қисмларини таъмирлаш, 67 та темир эшик ва кодли қулфлар ўрнатиш, электр тақсимловчи шитларни таъмирлаш ҳамда 21 та уйнинг фрамуга ойналарини замонавий пластик ромларга алмаштириш ишлари амалга оширилмоқда. Мазкур ишларни амалга ошириш учун республика бюджетидан 1,4 млрд. сўм маблағ ажратилган.

Фарғона шаҳар ҳокимлиги Ахборот хизмати