1. Бош сахифа
2. Янгиликлар

Барча ҳудудларда ободонлаштириш ишлари олиб борилмоқда

×

Айни кунларда шаҳримизнинг барча маҳаллалари, корхона ва ташкилотларда ободонлаштириш ишлари олиб борилмоқда. Албатта, ҳашар ишлари фуқароларимизнинг фаоллиги ва уюшқоқлигида кўтаринки руҳда ўтмоқда.

Баҳор фаслининг кириб келиши, яқинлашиб келаётган байрамларни муносиб нишонлашга тайёргарлик кўриш, маҳаллалар, аҳоли турар жойларини ободонлаштириш ва кўкаламзорлаштириш куннинг долзарб масаласи бўлмоқда.

Ҳашар ишларида маҳаллалар, аҳоли пунктлари, кўп қаватли бинолар ва ҳовлилар атрофи, гузарлар, хиёбонлар, зиёратгоҳлар, қабристонлар ҳамда болалар майдончалари тартибга келтирилмоқда.
“Маҳалламга менинг туҳфам” шиори остида барча турар жой мавзелари, кўчалар ҳамда корхона ва ташкилотларда гул кўчатлари, мевали ва манзарали дарахтлар экилиб, дарахтлар буталиб оқланмоқда.

Шаҳар ҳокимлиги томонидан ҳашар ишларига ёрдам бериш мақсадида ободонлаштириш бошқармаси ходимлари ва техника воситалари ҳам жалб этилмоқда.

Фарғона шаҳар ҳокимлиги Ахборот хизмати