1. Бош сахифа
2. Янгиликлар

РАСМИЙ МУНОСАБАТ

×

Ижтимоий тармоқларда Фарғона шаҳридаги Фарғона кўчасида олиб борилаётган қурилиш ишлари юзасидан мурожаат тарқалди. Мазкур мурожаат шаҳар ҳокимлиги ва тегишли ташкилотлар мутахассислари томонидан ўрганилди. 
Фарғона кўчасининг Ислом Каримов номидаги катта ҳалқа йўлидан бошланган қисмидан Қиргули мавзесигача бўлган масофасида 2014 йилда қурилиш ишлари олиб борилган. Айни кунларда шу масофадаги бардюрлар олиниб, шаҳарсозлик талабларига мос бўлган қуйма бардюрлар ва кўча чироқлари ўрнатилиши белгиланган.

Бардюрлар "Фарғона кўприклардан фойдаланиш" УК ишчилари томонидан кўчирилиб, белгиланган шаҳар кўчаларига ўрнатилади. 72 та ёритгич устунлари эса шаҳар ободонлаштириш бошқармасининг кўча чироқлари бўлими ишчилари томонидан олиниб, зарур бўлган марказий кўчаларга ўрнатилиши белгиланган. Мазкур ишлар шаҳар ҳокимлиги ва тегишли ташкилотлар томонидан назоратга олинган.

Амалга оширилган ишлар юзасидан ҳам қўшимча маълумотлар берилишини маълум қиламиз.

Фарғона шаҳар ҳокимлиги Ахборот хизмати