1. Бош сахифа
2. Янгиликлар

Ҳокимлик қабули: Мурожаатларни ижобий ҳпл этилишига алоҳида эътибор қаратилмоқда

×

Жорий ҳафтадаги шаҳар ҳокимлиги томонидан ташкилланган сайёр қабулда Фарғона шаҳар ҳокими Восилжон Назаров, сектор раҳбарлари, Фуқаролик ишлари бўйича Фарғона туманлараро суди раиси Улуғбек Орипов ва маъмурий ишлар бўйича суднинг судьялари, мажбурий ижро бюроси бошлиғи ҳамда ҳоким ўринбосарлари иштирок этишди.

Фарғона ихтисослашган санъат мактабининг фаоллар залида юзга яқин мурожаатлар масъул раҳбарлар иштирокида ўрганилди. Йигирма нафардан ортиқ фуқароларнинг мурожаатлар ижобий ҳал қилинди.

Келиб тушган мурожаатларни ўрганиш ва натижаси бўйича муаллифларга маълум қилиш учун масалага дахлдор ходимлар, корхона, ташкилот ва бўлимларга тегишли топшириқлар берилди. Қабул сўнгида ўтган ҳафта давомида тушган мурожаатларнинг ўрганилганлик ҳолати ҳамда ижобий ҳал этилиши бўйича танқидий таҳлил қилинди. Мурожаатларга масъулиятсизлик билан ёндошган раҳбарларга огоҳлантириш берилди.

Фарғона шаҳар ҳокимлиги Ахборот хизмати