1. Бош сахифа
2. Янгиликлар

Фарғонада Бош вазир ўринбосари Зулайҳо Маҳкамова иштирокида “Оқила аёллар” ҳаракати фаоллари олдида турган вазифалар келишиб олинди

×

Бугун Фарғона шаҳрида Бош вазир ўринбосари – Оила ва хотин-қизлар давлат қўмитаси раиси Зулайҳо Маҳкамова иштирокида йиғилиш бўлиб ўтди. Унда вилоят оила ва хотин-қизлар бошқармаси ва шаҳар-туман бўлимлари раҳбарлари, уларнинг қошида ташкил этилган “Оқила аёллар” ҳаракати аъзолари иштирок этдилар.

Жорий йилнинг 1 март куни давлатимиз раҳбарлари томонидан ўтказилган видеоселектор йиғилишида жойларда обрў-эътиборли, катта тажрибага эга фаоллардан иборат «Оқила аёллар» ҳаракатини ташкил этиш ғояси илгари сурилган эди. Бугунги тадбирда ушбу ташаббус жамиятда янги маънавий макон яратишда, эзгу ғоялар, миллий қадриятлар, урф-одатлар, муқаддас анъаналарни жамиятга сингдиришда, хотин-қизларни ҳар томонлама қўллаб-қувватлашда муҳим қадам бўлганлиги қайд этилди.