1. Бош сахифа
2. Янгиликлар

1 октябрь - Ўқитувчи ва мураббийлар куни

×

Байрам муносабати билан устоз санъаткорларнинг Фарғона аҳли билан учрашуви бўлиб ўтмоқда
Инсон маънавиятининг шаклланиши ва юксалишида адабиёт ва санъатнинг, хусусан, театр санъатининг ҳам алоҳида ўрни бор. Зеро, театрларимизда намойиш этиладиган ҳар бир саҳна асари ҳаёт кўзгусидир.

Ўқитувчи ва мураббийлар куни муносабати билан "Ислом Каримов" номидаги театр-концерт саройида Миллий академик драма театрининг устоз санъаткорлари иштирокида учрашув тадбирлари ўтказилмоқда. Бугун ўтказилган учрашув иштирокчиларда катта таассурот қолдирди. Ўзбекистон халқ артистлари Ёқуб Аҳмедов, Эркин Комилов, Ёдгор Саъдиев, Саида Раметова, Зуҳра Ашурова ҳамда бошқа театр санъаткорлари ўз чиқишлари билан санъатсевар фуқароларга байрам шодлигини улашдилар.

Учрашувлар 2-3 октябрь кунлари соат 11:00 ва 15:00 ларда ҳам ўтказилиши белгиланган. Санъатсевар шаҳримиз фуқаролари ва меҳмонларини мазкур учрашувларга таклиф этамиз.

Фарғона шаҳар ҳокимлиги Ахборот хизмати