1. Бош сахифа
2. Янгиликлар

Фарғона шаҳрида устоз ва мураббийларга юксак эҳтиром кўрсатилди

×

1 октябрь — Ўқитувчилар ва мураббийлар куни муносабати билан Фарғона шаҳридаги “WINE GARDEN” тантаналар мажмуасида байрам тадбири ташкил қилинди. Тадбирга фахрий устозлар, ҳозирги кунда меҳнат фаолиятини олиб бораётган илғор ўқитувчи ва мураббийлар таклиф этилди. 

Тадбирда Фарғона шаҳар ҳокими Восилжон Назаров устоз ва мураббийларни сана муносабати билан самимий қутлади. Барча учун ибрат намунаси, юксак инсоний фазилатлар тимсоли бўлган азиз ва мўътабар зотларнинг машаққатли меҳнати эътироф этилди.

Соғлом ва баркамол авлодни вояга етказиш, ёшларни она Ватанга муҳаббат, истиқлол ғояларига садоқат руҳида тарбиялаш йўлидаги ибратли фаолияти учун бир гуруҳ устоз ва мураббийлар шаҳар ҳокимлигининг ташаккурнома ҳамда эсдалик совғалари билан тақдирланишди.

Ўзбекистан Республикасида хизмат кўрсатган артист Сайёра Ғозиева, хушовоз  хонандалар Шахзод Муродов, Жўрабек Қодиров, Иззатбек Қўқонов, Ойбек Холбоев ва "Жозиба" рақс жамолари ҳамда шаҳар маданият бўлими саънаткорларидан Аброрбек Нишонов, Рустам Искандаров, Садоқат Каримовалар ҳамда "Садо" ҳаваскор халқ доирачилар жамоаси тадбирга кўтаринки руҳ бахш этдилар.

Фарғона шаҳар ҳокимлиги Ахборот хизмати