1. Бош сахифа
2. Янгиликлар

Фарғона марказида янги Fergana City мажмуаси қад ростламоқда

×

Вилоят ҳокими Хайрулло Бозоров Фарғона шаҳрининг Университет кўчасидаги собиқ Болажон аквапарки ўрнида барпо этилаётган Fergana City мажмуасида қурилиш ишларининг бориши билан танишди.

Савдо маркази, кўнгилочар масканлар ҳамда турар-жойлардан иборат ушбу мажмуа лойиҳаси икки босқичда амалга оширилаётган бўлиб, ҳозирда биринчи босқичда лойиҳа қиймати 77 миллиард сўм бўлган 6 қаватли савдо маркази ҳамда умумий қиймати 120 миллиард сўм бўлган 6 та 9+1 этажли кўп қаватли уйлар қад ростламоқда. Иккинчи босқичда 7 қаватли бизнес маркази ҳамда 11 та кўп қаватлар уйлар барпо этилади. 

Савдо марказининг ҳар бир қавати 3 минг м.кв. дан иборат бўлиб, супермаркет, техника ва маиший моллар дўконлари, франшиза асосида фаолият кўрсатувчи бренд бутиклар, овқатланиш шахобчаларини ўз ичига олган food court, замонавий фитнес-клуб, кинотеатр ҳамда юқори қаватида очиқ осмон остидаги ресторан фаолияти йўлга қўйилади.