1. Бош сахифа
2. Янгиликлар

"Ҳорманг, ҳашарчи пахтакорлар!" шиори остида маданий тадбир ўтказилди

×

Бугун Фарғона туманидаги “FERGANA OSEANA“ кластрига қарашли "Оқбилол" маҳалла ҳудудидаги дала майдонларида пахта йиғим-терим ишларида фаол қатнашаётган шаҳримиз ҳашарчилари учун “Ҳорманг, ҳашарчи пахтакорлар!” шиори остида маданий кўнгилочар концерт бўлиб ўтди.

Маданий тадбир аввалида Фарғона шаҳар ҳокимининг ўринбосари Д.Холматова сўзга чиқиб, хотин-қизларга фаолликлари учун ўз миннатдорчилигини билдирди.

Пахтани ёғин-сочин кунларга қолдирмай йиғиб-теришда меҳнатларини аямай ўз ҳиссаларини қўшиб келаётган  Фарғона шаҳримизда яшовчи кўнгилли аҳоли вакилларидан ташкил топган ҳашарчи пахтакорлар учун ташкилланган концерт дастурида  шаҳар маданият бўлими мудири Б.Набиев ҳамда Марказий маданият маркази хушовоз хонандалари А.Нишонов ва С.Каримовалар томонидан дилрабо куй-қўшиқлар ижро этилди.

Бугунги тадбир орқали икки юз нафардан зиёд ҳашарчи  пахтакорлар кайфиятига янада кўтаринки кайфият улашилди.