1. Бош сахифа
2. Янгиликлар

Илғор теримчилар рағбатлантирилди

×

Фарғона шаҳрида яшовчи фуқаролар ҳам пахта ҳосилини териб олиш ишларида фаол иштирок этишмоқда. Ҳар куни шаҳримизнинг барча ҳудудларга уларни олиб кетиш учун автобус ташкилланган. Айни кунларда 500 нафарга яқин теримчилар оммавий ҳашарда иштирок этишмоқда.

Бугун шаҳар ҳокимининг ташаббуси билан қўшни Фарғона туманидаги ҳашарчиларга ёрдам бераётган теримчиларимизнинг Оқбилол маҳалласи ерларидаги қисми билан Республика Маънавият ва маърифат маркази шаҳар бўлинмаси раҳбари Азизбек Сойибназаров ҳамда котибият мудири Шерзоджон Камаловлар учрашдилар. 

Шаҳар ҳокимлиги вакиллари теримчилар учун яратилган шарт-шароитлар билан яқиндан танишдилар. Улар билан ўтказилган сухбат давомида шаҳар ҳокимлигининг эсдалик совғалари ҳамда бадиий адабиётлар топширилди. 

Фарғона шаҳар ҳокимлиги Ахборот хизмати