1. Бош сахифа
2. Янгиликлар

Фарғона шаҳридаги текстиль корхоналари қошида ўқув жараёнларини амалиёт билан боғлаган ҳолда касб-ҳунарга ўқитиш курслари ташкил этилади

×

Вилоят ҳокими Хайрулло Бозоров Фарғона шаҳридаги “BS Textile” МЧЖ корхонасида бўлди. 2021 йил апрель ойида тадбиркор Икромжон Воҳидов ташаббуси билан ташкил этилган ушбу корхонада бугунги кунда 750 нафарга яқин ишчи-ходимлар меҳнат қилмоқда. Йиллик 7 минг 200 тонна пахта толасини қайта ишлаб, ип-калава, хом трикотаж маҳсулоти ҳамда тайёр кийимлар ишлаб чиқараётган корхонада жорий йилнинг ўтган саккиз ойида қарийб 500 минг дона тайёр трикотаж маҳсулотлари ишлаб чиқарилди. Бу ўтган 2021 йилга нисбатан 3 баробар кўпдир.

 Ҳозирда корхонада қиймати 5 миллион доллар бўлган махсус устки кийим-бош ишлаб чиқариш, шунингдек, матога гул босиш лойиҳаси амалга оширилмоқда. Жорий йил якунига қадар ишга туширилиши кўзда тутилган ушбу линияда қўшимча 500 та иш ўрни яратилади.