1. Бош сахифа
2. Янгиликлар

РАСМИЙ МУНОСАБАТ

×

Ижтимоий тармоқларда Қиргули мавзеидаги Кимёгарлар кўчасидаги маданий ҳордиқ олиш масканида олиб борилаётган қурилиш ишлари бўйича эътирозли мурожаат тарқалди. Мазкур мурожаат Фарғона шаҳар ҳокимлиги ва тегишли ташкилотлар мутахассислари томонидан ўрганиб чиқилди.

Ўрганиш давомида "Farg‘ona city-stroy" МЧЖ томонидан Кимёгарлар кўчаси("Маданият уйи" рўпараси)да маданий ҳордиқ олиш масканини ўз ичига олган "Ёшлар меҳнат гузари" комплексини қуриш, шунингдек туташ ҳудудни ободонлаштириш ва кўкаламзорлаштириш учун бир гектар ер майдони ажратилганлиги аниқланди.

Ҳозирда тадбиркор томонидан босқичма-босқич қурилиш ишлари олиб борилмоқда. Ҳудуддаги манзарали дарахтларни сақлаб қолиш, майдонларни кўкаламзорлаштириш ва парвариш қилиш чоралари кўрилган.

Қурилиш майдони атрофидаги мавжуд дарахтлар хатловдан ўтказилиб экология бошқармасининг Фарғона шаҳар бўлими томонидан назоратга олинганлигини маълум қиламиз.

Фарғона шаҳар ҳокимлиги Ахборот хизмати