1. Бош сахифа
2. Янгиликлар

Ташаббусли бюджет: Энг кўп ғолиб лойиҳа Фарғона шаҳрида қайд этилди

×

 “Ташаббусли бюджет” лойиҳасининг 2022 йил 2-мавсуми якунланди.  Жорий йилнинг 15 июлидан 17 сентябрга қадар давом этган жараёнда вилоятимизда жамоатчилик томонидан илгари сурилган таклифларнинг 2709 таси овоз бериш босқичига ўтказилган бўлиб, ушбу таклифларга жами 1 млн. 282,7 мингта овозлар тўпланди ҳамда лойиҳага аҳолининг қамров даражаси 33 фоизни ташкил этди. 

Мазкур тадбир учун Фуқаролар ташаббуси жамғармаларидан жами 116,1 млрд.сўм маблағлар йўналтирилган. Ташаббусли бюджет лойиҳасининг натижаларига кўра вилоятда амалга ошириш қиймати 107,4 млрд.сўмлик 126 та энг кўп овоз тўплаган лойиҳалар ғолиб деб топилди.

Шаҳар ва туманлар кесимида эса энг кўп ғолиб лойиҳа Фарғона шаҳрида қайд этилди: 23 та. Қўқон шаҳрида 15 та, Марғилон шаҳрида 11 та, Қува, Бағдод ва Бувайда туманларида эса 7 тадан ташаббуслар ғолиб лойиҳалар рўйхатидан ўрин олди.

Фарғона шаҳар ҳокимлиги Ахборот хизмати