1. Бош сахифа
2. Янгиликлар

ОБОДЛИК БУНЁДКОРЛАРИНИНГ МЕҲНАТЛАРИ ЭЪТИРОФ ЭТИЛДИ

×

Фарғона шаҳрида бунёд бўлаётган ва "Фарғона мўъжизаси" дея эътироф этилаётган Эко шаҳарда шаҳар ҳокимлиги ташаббуси билан "Ҳорманг қурувчи, бунёдкорлар!" шиори остида маънавий-маърифий ва маданий тадбир ташкилланди. Тадбирни Республика Маънавият ва маърифат маркази шаҳар бўлинмаси раҳбари Азизбек Сойибназаров очиб, тадбир иштирокчилари бўлган бунёдкорларнинг меҳнатларини эътироф этди.
Тадбир давомида шаҳар маданият бўлимининг хушовоз хонандалари томонидан дилрабо куй-қўшиқлар ижро этилди. Қурувчилар ва кўкаламзорлаштириш ишларига масъул бўлган ходимлар маданий хордиқ олдилар. 
Тадбирда ФарПИ биринчи проректори Мирзоҳид Ботиров ҳам иштирок этиб, қурувчиларимиз, ободонлаштириш, кўкаламзорлаштириш ишларида фаол иштирок этаётганларнинг меҳнатларини улуғлади, ишларига ривож тилади. "Фарғона", "Ватан", "Она" каби шеърлари билан бунёдкорлар олқишларига сазовор бўлди.
Шунингдек, тадбир давомида фаол бунёдкорлар, опа-сингилларимиз шаҳар ҳокимлиги, Республика Маънавият ва маърифат маркази вилоят бўлими ҳамда Касаба уюшмасининг эсдалик совғалари билан рағбатлантирилдилар.