1. Бош сахифа
2. Янгиликлар

Фарғона шаҳридаги 47 та умумтаълим мактабларининг барчасида “Янги Ўзбекистонда эл азиз, инсон азиз” шиори остида “Билимлар куни” тадбирлари ўтказилди

×

Бугун Фарғона шаҳридаги халқ таълими бўлими тасарруфидаги 43 та ўрта таълим мактаблари, 2  та махсус  ва 2 та вилоят тасарруфидаги  мактаб-интернатларида 2022-2023 ўқув йили бошланди.Ҳаяжонли тадбирларда вилоят ва шаҳар ҳокимликларининг вакиллари, бошқармалар, корхона ва ташкилотлар раҳбарлари, халқ депутатлари Фарғона шаҳар Кенгаши депутатлари, маҳалла фуқаролар йиғинлари ходимлари ва кенг жамоатчилик вакиллари иштирок этишди.

Қўшалоқ тадбирда сўзга чиққанлар мустақиллигимиз берган имкониятлар, юртимизда таълим соҳасида олиб борилаётган ислоҳотлар самараси, ўқитувчи ва ёшлар учун яратиб берилаётган қулайликлар ҳақида таъкидлаб ўтдилар. Устоз-мураббийлар ҳамда ўқувчиларга бошланган ўқув йилида омад ва зафарлар тиланди.

Тадбирда бу йил илк бора мактаб остонасига қадам қўйган 5972 нафар жажжи ўқувчиларга Президент совғалари топширилди.