1. Бош сахифа
2. Янгиликлар

Шаҳримиз вакиллари ҳам ҳаж зиёратини адо этиб ватанга қайтишди

×

Бугун Фарғона шаҳрилик ҳожилар Саудия Арабистонидан юртимизга қайтиб келишди. Муқаддас Макка ва Мадина заминидан қайтаётган юртдошларимиз Наманган халқаро аэропортида ҳокимлик мутасаддилари, Ўзбекистон мусулмонлари идораси вилоят вакиллари ходимлари ва ҳожиларнинг яқинлари томонидан ҳурмат-эҳтиром билан кутиб олинди.
Шундан сўнг, 83 нафар зиёратчилар Фарғона шаҳар ҳокимлигига етиб келишди. Улар маҳаллий ҳокимлик вакиллари, давлат ва жамоат ташкилотлари раҳбарлари ҳамда оила аъзолари ва яқинлари билан дийдор кўришдилар.
Ҳожилар юзида Ислом динининг бешинчи фарзини адо этилгани файзи, шукроналик ҳисси ва юрт соғинчи ифодаси кўриниб турарди. Кўтаринки кайфият ва шукроналик ҳисси билан Юртимизга қайтган зиёратчилар юқори савияда ташкил этилган муборак сафар учун барча ташкилотчиларга ўз миннатдорчиликларини билдирдилар.