1. Бош сахифа
2. Янгиликлар

Фуқаролар учун қулайлик ва шароитлар яратилади

×

Фарғона шаҳар ҳокими Восилжон Назаров "Мирзо Улуғбек" маҳалла фуқаролар йиғинида корхона ва ташкилотлар раҳбарлари иштирокида ўрганиш олиб борди.
Ўрганиш давомида фуқаролар учун яратилган шарт-шароитлар, ичимлик суви, электр ва табиий газ таъминоти бўйича фуқаролар томонидан билдирилган муаммоларга алоҳида эътибор қаратилди. Шу куннинг ўзида амалий ишлар бошланди. Шаҳар ободонлаштириш бошқармаси ҳамда уй-жой коммунал бўлими ходимлари томонидан дарахтлар буталди, ортиқча чиқиндилар олиб чиқилди. Ичимлик сувидаги муаммо, шунингдек шаҳаргаз бўлимига тушган мурожаат ҳам ўз ўрнида бартараф этилди. 
Шаҳар ҳокими маҳалла ҳудудини айланиб, ободонлаштириш ишларини якунига етказиш, марказий кўчаларни асфальтлаштириш, болалар майдончаларини таъмирлаш, уйларнинг фасад қисмида пардозлаш ишларини олиб бориш бўйича масъулларга топшириқлар берди.