1. Бош сахифа
2. Янгиликлар

Битирувчи 2022 ФАРҒОНА ШАҲРИЛИК БИТИРУВЧИЛАРГА МЕДАЛЛАР ТОПШИРИЛДИ.

×

Ёшлар ишлари агентлиги вилоят бошқармасининг фаоллар залида шаҳар ҳокимининг битирувчилар билан учрашуви ўтказилди. Унда шаҳар ҳокимлиги ҳамда халқ таълими бўлими мутасадди ходимлари, устоз-мураббийлар, ёшларнинг ота-оналари, давлат ва жамоат ташкилотлари вакиллари иштирок этди.
Учрашув аввалида шаҳар ҳокими Восилжон Назаров сўзга чиқиб, битирувчиларни табриклади ва уларнинг келгуси мақсадоарига эришишларида омадлар тилади. Шундан сўнг мактабни олтин ва кумуш медаллари билан якунлаган ўқувчиларга масъул раҳбарлар иштирокида медаллар топширилди ва китоблар совға қилинди.
Учрашув давомида шаҳар ҳокими битирувчилар билан очиқ мулоқотда суҳбатлашди. Битирувчилар ўз фикр ва мулоҳазаларини билдиришди. Тантанали тадбирда сўзга чиққанлар ёшларга оид давлат сиёсати асосида навқирон авлоднинг замонавий билим олиши, спорт ва бошқа йўналишларда истеъдодини намоён этиши, жамиятда муносиб ўрин топиши йўлида амалга оширилаётган ишлар ва уларнинг самаралари ҳақида тўхталиб ўтдилар. 
Маълумот учун: жорий ўқув йилида шаҳримиздаги мактабларни жами 84 нафар, шундан 78 нафар битирувчи олтин медаль билан, яна 6 нафарлари эса кумуш медаль билан битирди.