1. Бош сахифа
2. Янгиликлар

Фарғона шаҳар ҳокими Восилжон Назаров битирувчи ёшларга зафарлар тилади

×

Шаҳримиздаги 43 та мактабда  “Сўнгги қўнғироқ” тадбирлари бўлиб ўтди. 2-, 6- ва 9-умумий ўрта таълим мактабларида ўтган тадбирларда шаҳар ҳокими, фахрий ўқитувчилар, ота-оналар, маҳалла ва ҳамкор ташкилотлар, шунингдек, мактабнинг собиқ битирувчилари иштирок этди.
Тадбир аввалида Восилжон Назаров томонидан  Президентимизнинг мамлакатимиз мактабларини битирувчи ўғил-қизларга йўллаган табриги ўқиб эшиттирилди. Шундан сўнг, шаҳар ҳокими битирувчи ёшларга кейинги йўлларида ўз ўринларини топишларига умид билдирди.
Тадбир давомида ўқув йили давомида намунали хулқ ва аъло баҳоларга ўқиб, энг юқори рейтинг кўрсаткичларига эришган иқтидорли битирувчилар ва ўқувчиларга фахрий ёрлиғ ҳамда эсдалик совғалари топширилди. Шунингдек, мактабнинг иқтидорли ўқувчилари томонидан тайёрланган бадиий чиқишлар ҳавола этилди. Сўнгги қўнғироқ садолари билан тантаналарга якун ясалди.