1. Бош сахифа
2. Янгиликлар

ФАРҒОНА ШАҲРИДА ЗАМОНАВИЙ БОЛАЛАР МАЙДОНЧАЛАРИ БАРПО ЭТИЛМОҚДА

×

Ўзбекистон Республикаси Президентининг 2017 йил 24 апрелдаги 

ПҚ-2922 - сонли қарорининг 2-иловаси ижросини таъминлаш мақсадида, кўп хонадонли уй-жой фондига туташ ҳудудларда болалар ва спорт майдончалари ташкил этилмоқда.

Фарғона шаҳар ҳокимлиги ҳамда Фарғона вилояти Уй-жой коммунал хизмат кўрсатиш бошқармаси томонидан ишлаб чиқилган дастур асосида кўп хонадонли уй жой фондига туташ ҳудудларда болалар ва спорт майдончалари ташкил этилмоқда.

Ушбу масканлар нафақат болаларнинг бўш вақтларини мазмунли ўтказиш, балки саломатлигини мустаҳкамлаш, уларни жисмонан чиниқтиришда ҳам муҳим аҳамият касб этмоқда. Ҳар бир майдончада ўнга яқин ўйин қурилмаси ўрнатилган бўлиб, мазкур масканларнинг техник ҳолати, тозалиги маҳалла фуқаролар йиғини томонидан доимий назорат қилинади, шунингдек, яроқсиз ҳолга келган ўйин қурилмалари янгиланиб, такомиллаштириб борилади.

Фарғона шаҳрининг 2021 йил режасида белгиланган дастурга асосан “Кўп хонадонли уйларни ва иссиқлик таъминоти қурилиши бўйича инженеринг компанияси” ДУК томонидан кўп қаватли уйлар олдига 27 та янги болалар майдончалари ўрнатилиб, фойдаланишга топширилди ҳамда жорий таъмирга тушган 32 та болалар майдончаларидан 18 тасида таъмирлаш ишлари тўлиқ якунланди.

Шунингдек, Фарғона вилояти ҳокими томонидан 100 та, “Фарғона нефтни қайта ишлаш заводи” ҳамда “Фарғона иссиқлик электр станцияси” томонидан 47 та болалар майдончалари ўрнатилди. 

Маълумот ўрнида, Фарғона шаҳрида 2021 йилда жами 193 та болалар майдончалари тўлиқ фойдаланишга топширилди.

Бизни ижтимоий тармоқларда кузатинг
Facebook | Telegram