Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
РАСМИЙ МУНОСАБАТ
2021-07-31 13:53:41 755
Ижтимоий тармоқларда Фарғона шаҳар Ободонлаштириш бошқармаси бошлиғи Асилжон Икромов хамда (унинг акаси) Акмалжон Икромовларни ноҳақ ишдан бўшатилганлиги тўғрисида видеоматериал тарқалди.
Шунга кўра, видеоматериалда келтириб ўтилган важлар юзасидан Фарғона шаҳар ҳокимлигининг масъуллари масалани атрофлича ўрганиб, қуйидагиларни маълум қилади:
Фарғона шаҳар ҳокимлиги Ободонлаштириш бошқармаси бошлиғи Икромов Асилбек Қаҳрамонович 2021йил 23 июль куни ўз хоҳишига кўра ёзган аризасини инобатга олиб, Фарғона шаҳар ҳокимининг 2021 йил 24 июль кунги 54-11-169-Q/21-сонли қарорига асосан эгаллаб турган лавозимидан озод этилган.
Бугунги кунда, Фарғона шаҳрида ободонлаштириш, кўкаламзорлаштириш хамда бунёдкорлик ишлари жадал амалга ошириб келинмоқда.
Фарғона шаҳар ҳокимлиги томонидан Фарғона шаҳридаги ободонлаштириш, кўкаламзорлаштириш ва амалга оширилаётган бунёдкорлик ишларига катта эътибор қаратган холда барча йўналишларда, яъни мавсумий экилган гуллар, катта йўл четларига экилган ноёб дарахтлар суғорилишига ва шаҳардаги 70 та МФЙларда амалга оширилаётган қурилиш ва таъмирлаш ишларига алоҳида эътибор қаратмоқда.
Жумладан, мазкур ишларда ўзининг салмоқли ҳиссасини қўшиб келаётган, яъни Фарғона шаҳар хокимлиги Ободонлаштириш бошқармаси ходимларини рағбатлантириш мақсадида, Фарғона шаҳар ҳокимлиги томонидан “Ийд Қурбон” хайити муносабати билан турли совғалар улашилди.
Шунингдек, (акаси) Икромов Акмалжон Қаҳрамонович шу кунга қадар Фарғона шаҳар “Аҳмад Ал-Фарғоний” номидаги оромгоҳ директори лавозимида ишлаб келган.
Фарғона шаҳар аҳолисини маданий ва маърифий дам олишларини юқори савияда ва белгиланган талаблар асосида ташкил этилганлиги бўйича Фарғона вилояти Давлат молиявий назорати бошқармаси ва Фарғона шаҳар Молия бўлими мутаҳассислари томонидан 2021 йил 20 май куни Фарғона шаҳар “Аҳмад Ал-Фарғоний” номидаги оромгоҳ фаолияти ўрганилган.
Ўрганиш натижаларига биноан хато ва камчиликларга йўл қўйганлигини англаган ҳолда Икромов Акмалжон Қаҳрамонович Фарғона вилояти Маданият бошқармаси бошлиғи И.Жалилов номига 2021 йил 23 июль куни ўз хоҳишига кўра, Фарғона шаҳар “Аҳмад Ал-Фарғоний” номидаги оромгоҳ директори лавозимидан озод этишни сўраб ариза билан мурожаат этган.
