Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ХАЛҚ ДЕПУТАТЛАРИ ФАРҒОНА ШАҲАР КЕНГАШИНИНГ НАВБАТДАГИ ЎТТИЗ ТЎРТИНЧИ СЕССИЯСИ БЎЛИБ ЎТДИ.
2021-07-14 19:28:30 701
Кун тартибидаги дастлабки масала- “Ёшларни қўллаб-қувватлаш ва аҳоли саломатлигини мустаҳкамлаш йили”да шаҳарда амалга оширилиши лозим бўлган ишлар юзасидан тасдиқланган шаҳар Давлат дастурини 2021 йил 1-ярим йиллиги давомида амалга оширилган ишлар ҳамда Ўзбекистон республикаси Президентининг 2020 йил 30 июндаги “Ўзбекистон Республикасида ёшларга оид давлат сиёсатини тубдан ислоҳ қилиш ва янги босқичга олиб чиқиш чора-тадбирлари тўғрисида”ги ПФ-6017-сон Фармони ижроси юзасидан шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар масалалари бўйича ўринбосари Азизбек Абдуллаевнинг ҳисоботи тингланди.
Кун тартибидаги навбатдаги масала – жиноятчиликни олдини олиш ва унга қарши курашиш борасида 2021 йил 1-ярим йилликда амалга оширилган ишлар ҳамда бу борада жорий йил якунига қадар кўриладиган чора-тадбирлар ва эришиладиган натижалар юзасидан сўз, шаҳар прокурори Д. Қобулов ва шаҳар ИИО ФМБ бошлиғи Д. Асқаровларга берилди.
Сессия давомида Фарғона шаҳрида “Аёллар дафтари” билан ишлаш борасида амалга оширилаётган ишларнинг таҳлилига ҳам эътибор қаратилди.
Кун тартибида кўрилган яна бир қатор масалалар юзасидан тегишли мутасаддиларнинг ҳисботи тингланиб, улар юзасидан кенг жамоатчиликнинг фикри тингланди.
