1. Бош сахифа
2. Янгиликлар

Муҳайёхон Обидовага имтиёзли кредит ажратилиб, фаолияти янада кенгайтирилди

×

"Афросиёб" маҳалласида яшовчи тадбиркор Муҳайёхон Обидованинг чеварчилик соҳасига кириб келганига ўн йил бўлди. Сўнгги 2-3 йилда тадбиркорлик қилиш истагини билдираётган фуқароларга берилаётган имконият ва имтиёзларни эшитиб, фаолиятини кенгайтиришни ният қилган. 

Бу орада мижозлар сони ортди, шунингдек янги очилаётган боғчага ва клиникалардан ҳам буюртмалар қабул қилинди. Албатта, буюртмаларни ўз вақтида ва сифатли бажариш учун янги дастгоҳларга зарурият бўлди. 
Маҳаллада фаолият олиб бораётган ҳоким ёрдамчиси Санжарбек Машариповнинг тавсиясига кўра, тажрибали чеварга 33 миллион сўм имтиёзли кредит ажратилди. Кредит маблағлари ҳисобига замонавий тикув машиналари олинди. 

Муҳайёхон Обидованинг 2 нафар шогирдлари ҳозирда ҳам ўқувчи, ҳам кўмакчи. Шунингдек, икки нафар ишсиз хотин-қизлар касаначилик асосида фаолият олиб боришмоқда. Тадбиркоримиз бир ойда ўртача 5 миллион, буюртма кўпайганда 7-8 миллион сўмгача даромад топмоқда.