Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
“Беш ташаббус олимпиадаси”нинг иккинчи мавсумига старт берилди
2023-09-14 06:46:54 1385
Ўзбекистон Республикаси Президентининг 2022 йил 19 январдаги "Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида"ги 92-сонли қарори ижроси юзасидан шаҳримизда беш ташаббус олимпиадасининг иккинчи босқич мусобақаларига старт берилди.
Бугундан бошлаб Фарғона шаҳридаги барча мактабларда синфлар ўртасида спортнинг қувноқ стартлар, енгил атлетика ва "Заковат" интеллектуал ўйинларининг мактаб босқичларини ўтказиш бошланди.
Мусобақалар юқори савияда ўтказиш учун барча таълим муассасаларида пухта ҳозирлик кўрилган. Жумладан, шаҳримиздаги 30- ва 40-мактабларда мазкур мусобақанинг очилиш маросими намунавий тарзда ташкилланди.
Тадбир давомида ўқувчиларга мусобақа шартлари, ўтказилиш тартиби ҳақида тушунчалар берилди. Спорт мусобақасининг илк ғолиблари мактаб маъмурияти томонидан муносиб тақдирланишди.
