Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
FVV ogohlantiradi: yong'indan ehtiyot bo'ling
2020-04-29 18:48:04 1238
Mamlakatimiz iqtisodiyoti yildan – yilga rivojlanib bormoqda. Hayotimizni har xil texnika va texnologiyalarsiz, ularning beminnat yordamisiz tasavvur etishimiz qiyin. Oliy maʼlumotli muhandisdan tortib uy bekasigacha, katta sinf oʼquvchisidan tortib endigina bolalar bogʼchasiga qatnay boshlagan goʼdakkacha kundalik turmushdagi maishiy texnikalardan foydalanadi. Demakki, biz xammamiz har kuni bir necha marotabalab yongʼin keltirib chiqarishi mumkin boʼlgan holatlarni boshimizdan kechiramiz.
Аmmo, insonlar olovdan foydalanishda oddiy boʼlib tuyulgan qoidalarga amal qilmasligi oqibatida hamon bu tilsiz yovdan aziyat chekib kelmoqda. Tahlillarga koʼra Fargʼona shahar hududida sodir boʼlayotgan yongʼinlarning toʼqson foizi beparvolik oqibatida kelib chiqqan. Fargʼona shaxrida 2020 yilning 28 aprelь kuniga jami34 ta yongʼin sodir boʼlgan.Yongʼinlarda haloq boʼlganlar 1 nafar -2020 yil 6 fevralь kuni Fargʼona shahar, Navroʼz MFY, B.Margʼiloniy koʼchasidagi xonadonning 25 m2 maydonida yongʼin sodir boʼlgan. Yongʼin natijisida uy egasi fuqaro G.M. tutundan zaharlanib voqea joyida halok boʼlgan. Yongʼinning taxminiy sababi ochiq elektr isitish vositasi yaqinida yonuvchi mahsulotlar koʼp miqdorda boʼlganligidan aniqlandi. Tan jarohati olganlar 1nafar- 2020 yil 12 aprelь kuni Fargʼona shahar Sovurbuloq MFY, Sovurbuloq koʼchasida yashovchi fuqaro T.I. oʼz yashash uyida yengil alanga oluvchi suyuqlikdan foydalanishda ehtiyotsizligi oqibatida 45% quyib tan jarohati olgan. Yongʼinlar oqibatida yetkazilgan moddiy zarar 179.221.000 soʼmni tashkil etgan. Shu sababli Fargʼona shahar Favqulodda vaziyatlar boʼlimi xodimlari shahar hududida joylashgan korxona, tashkilot va mahallalarda yongʼin xavfsizligi qoidalariga rioya qilish, sodir boʼlishi mumkin boʼlgan yongʼinlarning oldini olish maqsadida turli uchrashuvlar oʼtkazib kelmoqda.
Hurmatli fuqarolar! Siz “tilsiz yov” taʼsiridan aziyat chekib qolmay desangiz va xonadoningizda yongʼin sodir boʼlmasligi uchun quyidagi yongʼin xavfsizligi qoidalariga qatʼiy amal qiling va doimo yodda tuting:
-nosoz gaz va elektr tarmoqlaridan foydalanmang;
-yosh bolalarni pechь, gaz va elektr asboblarini yoqishiga hamda ulardan foydalanishiga yoʼl qoʼymang;
-yosh bolalarni yolgʼiz qoldirmang;
-uxlashdan oldin va uydan chiqib ketishdan oldin gaz hamda elektr asboblarini oʼchirishni unutmang;
-mutassadi tashkilotlar ruxsatisiz gaz asboblarini bir joydan ikkinchi joyga koʼchirib oʼrnatmang;
-gaz oʼtkazish uchun vaqtinchalik quvurlardan va rezina shlanglardan foydalanmang;
- ochiq olovdan foydalanishda ehtiyot choralarini koʼring;
-isitish mavsumidan oldin barcha isitish qurilmalarini texnik koʼrikdan oʼtkazing;
-pechlarni, gaz va elektr isitish asboblarini yoqilgan holda qarovsiz qoldirmang;
- yongʼin sodir boʼlganda 101ga qoʼngʼiroq qiling.
Аziz xamyurtlar! Yuqorida qayd etilgan muammolar va kamchiliklarni bartaraf etib, yongʼinlarning oldini olishdagi ishlarni hamkorlikda olib borsak oʼylaymanki, uy-joyimizni,mol-mulkimizni, oʼzimiz va farzandlarimizni yongʼin ofatidan asrab qolamiz.
R.Xolmatov,
Fargʼona shahar FVB boshligʼi
oʼrinbosari podpolkovnik
Мамлакатимиз
иқтисодиёти йилдан – йилга ривожланиб бормоқда. Ҳаётимизни ҳар хил техника ва
технологияларсиз, уларнинг беминнат ёрдамисиз тасаввур этишимиз қийин. Олий
маълумотли муҳандисдан тортиб уй бекасигача, катта синф ўқувчисидан тортиб
эндигина болалар боғчасига қатнай бошлаган гўдаккача кундалик турмушдаги маиший
техникалардан фойдаланади. Демакки, биз хаммамиз ҳар куни бир неча маротабалаб
ёнғин келтириб чиқариши мумкин бўлган ҳолатларни бошимиздан кечирамиз.
Аммо, инсонлар оловдан фойдаланишда
оддий бўлиб туюлган қоидаларга амал қилмаслиги оқибатида ҳамон бу тилсиз ёвдан
азият чекиб келмоқда. Таҳлилларга кўра Фарғона шаҳар ҳудудида содир бўлаётган
ёнғинларнинг тўқсон фоизи бепарволик оқибатида келиб чиққан. Фарғона шахрида 2020
йилнинг 28 апрель кунига жами34 та ёнғин содир бўлган.Ёнғинларда ҳалоқ
бўлганлар 1 нафар -2020 йил 6
февраль куни Фарғона шаҳар, Наврўз МФЙ, Б.Марғилоний кўчасидаги хонадоннинг 25
м2 майдонида ёнғин содир бўлган. Ёнғин натижисида уй эгаси фуқаро
Г.М. тутундан заҳарланиб воқеа жойида ҳалок бўлган. Ёнғиннинг тахминий сабаби
очиқ электр иситиш воситаси яқинида ёнувчи маҳсулотлар кўп миқдорда бўлганлигидан
аниқланди. Тан
жароҳати олганлар 1нафар- 2020 йил 12 апрель куни Фарғона шаҳар Совурбулоқ МФЙ,
Совурбулоқ кўчасида яшовчи фуқаро Т.И. ўз яшаш уйида енгил аланга олувчи суюқликдан
фойдаланишда эҳтиётсизлиги оқибатида 45% қуйиб тан жароҳати олган. Ёнғинлар
оқибатида етказилган моддий зарар 179.221.000 сўмни ташкил этган. Шу сабабли
Фарғона шаҳар Фавқулодда вазиятлар бўлими ходимлари шаҳар ҳудудида жойлашган
корхона, ташкилот ва маҳаллаларда ёнғин хавфсизлиги қоидаларига риоя қилиш,
содир бўлиши мумкин бўлган ёнғинларнинг олдини олиш мақсадида турли учрашувлар
ўтказиб келмоқда.
Ҳурматли фуқаролар! Сиз “тилсиз ёв” таъсиридан азият
чекиб қолмай десангиз ва хонадонингизда ёнғин содир бўлмаслиги учун қуйидаги
ёнғин хавфсизлиги қоидаларига қатъий амал қилинг ва доимо ёдда тутинг:
-носоз газ ва электр тармоқларидан фойдаланманг;
-ёш болаларни печь, газ ва электр асбобларини ёқишига
ҳамда улардан фойдаланишига йўл қўйманг;
-ёш болаларни ёлғиз қолдирманг;
-ухлашдан олдин ва уйдан чиқиб кетишдан олдин газ ҳамда
электр асбобларини ўчиришни унутманг;
-мутассади ташкилотлар рухсатисиз газ асбобларини бир
жойдан иккинчи жойга кўчириб ўрнатманг;
-газ ўтказиш учун вақтинчалик қувурлардан ва резина
шланглардан фойдаланманг;
- очиқ оловдан фойдаланишда эҳтиёт чораларини кўринг;
-иситиш мавсумидан олдин барча иситиш қурилмаларини
техник кўрикдан ўтказинг;
-печларни, газ ва электр иситиш асбобларини ёқилган ҳолда
қаровсиз қолдирманг;
- ёнғин содир бўлганда 101га қўнғироқ
қилинг.
Азиз хамюртлар! Юқорида қайд этилган
муаммолар ва камчиликларни бартараф этиб, ёнғинларнинг олдини олишдаги ишларни ҳамкорликда
олиб борсак ўйлайманки, уй-жойимизни,мол-мулкимизни, ўзимиз ва фарзандларимизни
ёнғин офатидан асраб қоламиз.
Р.Холматов,
Фарғона шаҳар ФВБ бошлиғи
ўринбосари подполковник
